Къоначу журналистийн культурин декъехула йолу «Кульминаци» фестиваль дIаяхьаран комитето цигахь дакъалаца кхойкху шуьйрачу хаамийн гIирсийн векалш. Фестивале дIабала мегаш ду 35 шо кхачаза болчу штатерчу а, штатехь боцучу а авторийн (шуьйрачу хаамийн гIирсийн белхахой/векалш) белхаш. Къаьсттина тидаме оьцур ю 2016-чу шарахь зорбане а, эфире а евлла статьяш а, сюжеташ а.
Фестивалан тематика – литература, театр, кинематографи, библиотекийн а, музейн а гIуллакх, фольклор кхиор, иштта дIа кхин а.
Фестивалехь дакъалацаро таро лур ю культурин декъехь болх бечу журналисташна шайн хаарш лакхдаха а, Даймехкан культурин декъехула болу хаамаш жигара лаха а, кечбан а, зорбатоха а хуур йолу медиа-среда кхолла а.
Фестиваль дIаяхьарехь жигара дакъалоцуш ю Регионашна юкъара журналистийн союз а, Москва гIалара Пачхьалкхан культурин институт а. Фестивалан конкурсан программехь тоьлла болу белхаш бовзуьйтур бу лерринчу цхьаьнакхетарехь. Иза дIахьур ду 2016-чу шеран 15-чу сентябрехь Москвахь.
Фестивалах лаьцна берриге хаам а, цуьнан конкурсан программехь дакъалацарна дехар яздаран къепе а йовза таро ю http://kulfest.ru сайта тIехь.
№56, еара, хIутосург (май) беттан 19-гIа де, 2016 шо