Минскехь тIеэцна сацамаш ма-барра кхочушбаллалц, Россина дуьхьал кхайкхийна йолу санкцеш дIаяха дагахь яц Евросоюз.
***
Ши-кхо шо даьлча Сбербанкана шен клиенташ бевзар бу церан озаца а, яххьашца а.
***
Brent маркин мехкадаьттан июлан фьючерийн цхьана баррелан мах «психологин» билгало лоруш долчу 50 долларал а хьалабаьлла.
***
Японехь дIахьош йолчу G7 саммитан дакъалацархойн кхерамазалла Iалашъеш ву 100 эзар сов полицейски.
***
Россин Федерацин премьер-министра Медведев Дмитрийс сацам бина, «Платон» системин гIоьнца гулдина долу 11 миллиард сом 24 субъектана юкъахь дIасадекъа.
***
Швецин парламенто оборонин министерствона бакъо елла шайн махка НАТО-н эскарш даладайта.
***
Кадыров Рамзана Мисарна гIо-накъосталла кховдийна терроризмана дуьхьало латторехь.
***
Россин Федерацин коммуникацийн а, зIенан а министерство дагахь ю Даймехкан компьютерийн софтан кхачамбацарш билгалдахаран Iалашонца, цунна хакершка талламаш байта.
***
Швейцарин школашкахь бусалба дешархой декхарийлахь бина, шайн хьехархошка куьг а луш, маршалла хатта.
***
Украинерчу ГIирмин гIезалоша Киеве дехар дина, ГIирмин ахгIайренан статус Украинин Конституцехь ГIирма – гIезалойн автономни республика хилар билгалдаккхар доьхуш.
***
Хонкаран керла премьер-министр Йылдырым Бинали дагахь ву Россица йолу юкъаметтигаш дIанисъяран политикин программа тIеэца.
***
Керлачу Зеландис хуьйцур яц байракх: оцу гIуллакхна лерина дIаяьхьначу референдумехь 57 процент бахархоша хIинцалера байракх Iадйитарна кхажтесна.
№60, шот, хIутосург (май) беттан 28-гIа де, 2016 шо