«Сурсад» – Соьлжа-ГІалин урамашкахь

IMG_1286

Соьлжа-Г1алин некъаш а, майданаш а, сквераш а тояран а, уьш ц1ена латторан а «СУРСАД» ц1е йолу урхалла болх бан йолаелла 2002-чу шарахь. Предприятин коьрта 1алашо Соьлжа-Г1алин урамаш ц1ена латтор ю. Кхузахь болх беш 303 белхало ву. 52 леррина техника ю: ло д1адоккху, чан схьаоьцуш, хи туху машенаш, тракторш, экскаваторш, иштта кхиерш.

Соьжа-Г1алара т1еман лар дІаяйъар дІадолочу  болабелла СУРСАД-н болх. Цу хенахь, доцчу хьелашка хьаьжча,  къаьсттина дика болх бина цара. Техникица кхачо цахиларо халонаш латтайора балха т1ехь. Коьрта инженер волчу Вахаев 1ийсас дийцарехь, атта болх бацара и, делахь а, Кавказехь уггаре а хазачух цхьаъ хилла йолчу г1алин сурт хаздан дезаш дара. Соьлжа-Г1алин къаьсттина ц1ена доцчу урамашкара д1аболийра болх. Т1амо дохийна ц1енош, адам юкъа а г1орталур доцуш, къух даьлла меттигаш – уьш леррина белхаш бан безаш меттигаш яра. 122 урам, 11 т1ай,  некъа бухахула дехьа волу меттиг, г1ашлойн некъаш, кхин а дуккха меттигаш ю СУРСАД-н белхалоша  денна ц1ена латтош ерш.

Къаьсттина  дукха  болх 1ай хуьлу. Де а, буьйса а ца къастош лоьраш ло  дІадоккхуш некъаш ц1андо урхалерчу  белхалоша. Некъ шера болче г1ум тасар а СУРСАД-н болх бу. И болх а  лаккхарчу  жоьпаллица  кхочуш  бора  ша   хьохуш  хиллачу  могІарашкахь

Муьлххачу а хенахь Соьлжа-Г1алин урамашкахь го можа духар дуьйхина белхалой. Церах цхьаъ ю Джабраилова Рукъет. Нуй, бел–иза коьрта г1ирс бу цуьнан. Шайн балхах лаьцна дийцира Рукъета.

– Ас болх бен дукха хан ю. Тхайн декхарш  дика  девзаш хиларна,  халонаш ца лоьруш,  къахьоьгу  оха. Бинчу  балхана   шен хеннахь алапа а ло. Шо чекхдолуш, дика белхалой билгал бохуш премеш а ло. Оха бечу белхан пусар ца деш адамаш а нисло. Новкъа йоьдучу машенчуьра ара нех, я кехат кхуссуш меттиг а хуьлу, – бохура цо.

Тахана къегина гуш долу Соьлжа-Г1алин урамаш, майданаш, сквераш СУРСАД-ан белхалоша шайн махках дог  лозуш бечу белхан жам1 ду.

Р.АБДУЛМУСЛИМОВ

Авторан сурт

 

Нагахь йозанехь гIалат карийнехь, иза долу кийсак схьа а харжий, Ctrl+Enter (цхьайолчу ОС-кахь Enter+Ctrl) тIатаIайе.

Добавить комментарий

Ваш адрес email не будет опубликован. Обязательные поля помечены *

ГIалат даьлла хилар хаийтар

Тхуна гур долу йоза: