«Иблисан пачхьалкхан» гIеранаша минометаш йиттина Алеппо шахьарахь бехачу маьршачу бахархойн цIеношна а, аэропортана а.
***
Иракъан Iедалан эскарша жим-жима боккхуш шайн мохк паргIатбоккхуш бу «Иблисан пачхьалкхан» террористех. Стохка хиллачул ах сов лахъелла террористаша дIалаьцна хилла меттигаш.
***
Хонкаран а, Шемин а дозанех сехьабовлуш хаабелла террористаш а, ткъа иштта тIеман еза техника а.
***
Францехь террориста герз тоьхна полицейски а, цуьнан зуда а йина. Циггахь хIаллаквина зулам динарг а.
***
Швецехь забастовка йира «SAS» авиакомпанин пилоташа. И бахьана долуш юкъахъяьккхина лаххара а 230 авиарейс.
***
ХIара шо доладелчахьана Дуьненаюкъарчу хIордачухула Европе кхаьчна 210 эзар сов мигрант. Царна дан хIума доцуш, гатбелла хьийза Евросоюзан куьйгалхой.
***
Къилбаседа Корейрчу хакерша галъяьккхина Къилба Корейн 140 эзар сов компьютер, царна чохь хиллачу хаамех шайн хьашташкахь пайдаэцна.
***
Къилба Африкин Республикехь юха а хатта долийна шен зуда йийначу Писториусан дов. Ша динчу зуламна къера хуьлуш вац спортсмен.
***
Донецкерчу маьршачу бахархойн цIеношна герзаш деттар тIаьхьарчу хенахь алсамдаьккхина Украинин Iедалан эскарша. Масех де хьалха цара герзаш диттина ткъех цIа дохийна.
***
Россин Президентан В.Путинан телефонехула къамел хилира Словакин премьер-министраца Р.Фицоца. Цара дийцаре дира шина пачхьалкхан юкъаметтигаш кхидIа а чIагIъяран хьокъехь долу гIуллакхаш.
***
Вайн мехкан премьер-министр Д.Медведев цхьаьнакхийтира Владимирски областан губернаторца С.Орловица. Цара дийцира промышленни гIишлошъяран коьчалш арахецар кхиоран хьокъехь.
***
Тахана Санкт-Петербургехь шен болх дIаболийна Петербурган дуьненаюкъарчу экономикин форумо. Цигахь дакъалоцуш бу 60 сов пачхьалкхера векалш, ткъа иштта ООН-н Генеральни секретарь Пан Ги Мун а.
***
УЕФА-с 150 эзар еврон барамехь гIуда тоьхна Россин футболан союзана. Россин а, Ингалсан а футболан фанаташ вовшах латар а, цара къепазалла хIоттор а бахьанехь тоьхна ду и гIуда.
№68, еара, асаран (июнь) беттан 16-гIа де, 2016 шо