СоьлжагIалахойн команда таханлерчу дийнахь Iаморан-тренировочни сборашкахь Анапехь ю. Царна куьйгалла деш ву «Грозный» волейболан командин коьрта тренер Кириленко Арсен, лакхара тренер Абдулкадыров Iийса.
Командин керлачу декъашхойх цхьаъ ву 29 шо долу Андриевский Сергей. Иза 2015–2016-чуй шерашкахь «Динамо-ЛО» волейболан команди юкъахь левзина ву. ШолгIаниг – Дуьненан а, Россин а чемпионатийн призер, 26 шо долу Белов Виктор. Иза 2015–2016-чуй шерашкахь Санкт-Петербургерчу «Автомоболист» волейболан командин хилла декъашхо ву. КхоалгIаниг ву 2011–2016-чуй шерашкахь Москварчу «Динамо-Олимп» волейболан клубан декъашхо хилла волу (22 шо долу) Федин Глеб.
Л.ДАУТОВА
№85, шот, мангалан (июль) беттан 30-гIа де, 2016 шо