Швеци пачхьалкхан пачхьенехь Стокгольмехь дIадаьхьначу греко-римски кепарчу охьатохархлатарехула кегийрхошна юкъахь Европехь хьалхеяккхаран къийсадаларшкахь йоьзан мидал яьккхина Тавмурзаев Рахьмана.
Оцу къийсадаларшкахь дакъалоцуш Россин вовшахтоьхначу команди юкъахь вайн республикера масех спортсмен вара. Уьш бара: Россин чемпионатан кхузза толамхо Аддиев Лом-Iела, Россин чемпионатан толамхо Р.Тавмурзаев, Россин чемпионатан толамхо а, дуьненан чемпионатехь дато мидал яьккхина волу Амаев Абу-Муслим.
Шен дегIан йозаллин категорехь (69 кг) тоьллачу пхеанна юкъахь вара Л-I.Аддиев. Вайн спортсменашлахь уггаре а боккхачу кхиаме кхаьчнарг йоьзан мидал яьккхина волу Р.Тавмурзаев ву.
Л.ДАУТОВА
№85, шот, мангалан (июль) беттан 30-гIа де, 2016 шо