Нохчийн пачхьалкхан хьехархойн университетан студенташа даима а жигара дакъалоцу Соьлжа-ГIалин юкъарчу белхехь. ХIинца, рогIерчу белхехь физико-математикин факультетан студенташ бара шайн университетана гуонахара меттигаш цIанъеш, хазъеш гIуллакхаш дан арабевлла. Йовхо эшош, самукъадаьлла къахьоьгура кегийрхоша.
Шайна билгалъяьккхинчу метте нораш хьоькхуш, къух бухадоккхуш, пачхьалкхан учрежденийн керташна хьаькхна басар карладоккхуш белхаш бина бевлча, чохь дан дезачу гIуллакхашна тIебирзира студенташ.
Университетан куьйгалло дийцарехь, белхи хьаьттан (август) бутт чекхбаллалц дIахьур бу. Республикин коьрта шахьар Соьлжа-ГIала Нохчийн Республикин Хьалхарчу Президентан, Россин Турпалхочун Кадыров Ахьмад-Хьаьжин юбилейна кечлуш ю.
З.ХИЗИРОВА
Суьрта тIехь: Нохчийн пачхьалкхан хьехархойн университетан студентийн белхи
№90, еара, хьаьттан (август) беттан 11-гIа де, 2016 шо