Соьлжа-Г1алин коьртачу библиотекин ешаран зала чохь д1аяьхьира нохчийн метта денна лерина поэтически суьйре. Суьйре д1ахьош яра библиотекин белхахо Батаева Малика. Нохчийн маттахь байташ еша школера дешархой бара баьхкина. Вуно дика а йоьшура цара нохчийн маттахь. Цаьрга ладог1а а, нохчийн маттах дош ала а лерина хьаша вара кхайкхина – вай республикехь а, арахьа а евзаш волу яздархо поэт, драматург Ахмадов Муса. Цо дийцира вайн меттан хазаллех, дуьненахь бевзаш болу поэташаа, 1илманчаша а иза хесторах а. Иштта зала чохь дуккха хьовсархой а бара. Цара баркалла элира Ахмадов Мусана а, библиотекин белхахочунна а, и иштта байташ ешначу дешерхошна а. Норхчийн маттаъ хетарг а элира хьовсархоша, шайн ойланаш йовзийтира вайн мотт ца байта, т1екхуьучу кегийрхошна иза безийта. И тайпа суьйренаш кеста-кеста д1аяхьар мехала а, пайден а ду, элира Ахмадов Мусас.
ШАХГИРИЕВА Аза
Авторан сурт