Нижегородски областан Бор гIалахь хIокху деношкахь дIаяьхьира Олимпийски чемпионна, Россин спортан хьакъволчу мастерна А.И.Парфеновна лерина греко-римски кепара охьатохархлатарехула кегийрхошлахь хьалхе яккхаран Ерригроссин турнир.
Турнирехь дакъалоцуш бара Россин дуккха а субъекташкара спортсменаш, шайна юкъахь Нохчийчуьра 14 охьатохархлатархо а волуш. Нохчийн спортсменашна юьхькIоме хилира къийсадаларшкахь дакъалацар.
Шайн-шайн йозаллин категорешкахь хьалхара меттигаш ехира: Мамаев Iийсас (46 кг.) – ДЮСШ №7, Гериханов Сайд-Селима (69 кг.) – ДЮСШ №3, Забаев Ислама (50 кг.) – ДЮСШ №7, Бараханов Адама (54 кг.) – ДЮСШ №3.
Толамхойн бакъо хир ю кегийрхошлахь хьалхеяккхаран Ерригроссин турнирехь дакъалаца.
Оцу лакхарчу кхиамашка вайн спортсменаш кхачийнарш бу уьш Iамийна церан тренерш: А.Магомадов, Р.Эскерханов.
З.Шишханова
Авторан сурт
№112, пIераска, эсаран (октябрь) беттан 7-гIа де, 2016 шо