ХIокху деношкахь Тырныауз гIалахь (ГIебартойн-Балкхаройчоь) дIаяьхьира СССР-н спортан хьакъболчу мастершна Ю.Байзулаевна, Х.Мирзоевна лерина греко-римски кепара охьатохархлатарехула Ерригроссин турнир. Россин кхечу регионашкарчу охьатохархлатархошца цхьаьна, къийсадаларшкахь дакъалоцуш вара Нохчийчуьра 11 спортсмен. Къийсадаларш дIадаьхьира кхаа дийнахь. Турнирехь боккхачу кхиаме кхечира вайн охьатохархлатархой: 3 дашо а, 1 йоьзан а мидалш ехира цара.
Хьалхара меттигаш ехира: Мучураев Шемала (75 кг.) – РДЮСШ, Курбанов Сидекъа (80 кг.) – ДЮСШ №3, Акаев Лом-Iелас – ШВСМ.
КхоалгIа меттиг яьккхира Мусаев Сайд-Мохьмада (75 кг.) – ШВСМ.
Ала деза, Къилбаседа Кавказехь хIара цхьа турнир ю хьалхара меттигаш яьхначарна «Россин спортан мастер» цIе яла бакъо луш.
Толамхой билгалбехира кубкашца, мидалшца, Сийлаллин грамоташца.
З.Шишханова
Авторан сурт
№113, шинара, эсаран (октябрь) беттан 11-гIа де, 2016 шо