ХIокху деношкахь Адыгейрчу Старобжегокай юьртахь дIаяьхьира Олимпийски чемпионна А.Хуштовна лерина йолу схьайиллина республикин греко-римски кепара охьатохархлатарехула турнир. Вайн республикера оцу турнирехь дакъалоцуш 7 спортсмен вара.
Къийсадаларш дIадаьхьира кхаа дийнахь. Шайн-шайн йозаллин категорешкахь билгалбевлира вайн цхьамогIа махкахой. Хьалхара меттиг яьккхира Исаев Турпала (58 кг.) – ДЮСШ №7, шолгIа меттиг – Исаев Муслима (42 кг.) – ДЮСШ №3.
Оцу кхиамашка вайн спортсменаш кхачийна, уьш Iамийначу тренерша: Р.Абиевс, С.Исаевс, М.Исаевс. Оцу турнирехь нохчийн командо командашна юкъахь шолгIа меттиг яьккхира. Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№124, пIераска, лахьанан (ноябрь) беттан 18-гIа де, 2016 шо