ХIокху деношкахь Нижний Новгородехь дIаяьхьира кегийрхошна юкъахь хьалхеяккхаран паргIатчу кепара охьатохархлатарехула Ерригроссин турнир. Цигахь дакъалоцуш бара Россин ерриге а субъекташкара спортсменаш.
Вайн республикера кхо спортсмен вара цигахь. Къийсадаларш деа дийнахь дIадаьхьира.
Вайн кхаа спортсменах цхьамма кхоалгIа меттиг яьккхира. Иза Гериханов Сайд-Селим (87 кг.) ву – РДЮСШ.
Вайн спортсменаш цига бохуьйтуш гIо дира РДЮСШ-н директора Гусигов Аптис, иштта уьш Iамийначу тренера Х.-Б.Эскерхановс.
З.ШИШХАНОВА
№131, шинара, гIуран (декабрь) беттан 13-гIа де, 2016 шо