ХIокху деношкахь Москвахь дIаяьхьира СССР-н хьакъволчу тренерна С.А.Преображенскийна лерина йолу паргIатчу кепара охьатохархлатарехула хьалхеяккхаран турнир.
Цигахь дакъалоцуш бара Россин тайп-тайпанчу субъекташкара спортсменаш. Вайн республикера цигахь дакъалоцуш 6 спортсмен вара.
Къийсадаларш кхаа дийнахь дIадаьхьира. Нохчийн Республикин векалшна юкъахь лаккхарчу кхиаме а кхечира, дашо мидал а яьккхира РДЮСШ-н къоначу спортсмена Бахарчиев Муслима (60 кг.). Оцу кхиаме иза кхачар дозуш ду иза Iамийначу цуьнан тренерх Гусигов Аптих. Цундела тахана Муслима даггара баркалла боху цунна.
Толамхой билгалбехира мидалшца, кубкашца, Сийлаллин грамоташца. Карарчу хенахь паргIатчу кепара охьатохархлатарехула йолчу СКФО-н чемпионатана кечам беш бу вайн спортсменаш.
З.ШИШХАНОВА
№2, шинара, кхолламан (январь) беттан 10-гIа де, 2017 шо