Кху шеран 29-чу августехь Дона-тIерачу-Ростовехь дIаяьхьира Ерригроссин берийн шахматийн IV турнир. Нохчийн Республикин хьалхарчу Президентан Кадыров Ахьмад-Хьаьжин цIарах йолчу цу турнире Россин а, кхечу пачхьалкхийн а регионашкара 230 дакъалацархо веанера.
Турнирна кечам а бина, иза дIаяьхьнарг Нохчийн Республикин Куьйгалхочун Ростовски областехь йолу Векалалла яра. Берийн къийсадаларшка хьажа ваханера Нохчийн Республикин къоман политикин, арахьарчу зIенийн, зорбанан, хаамийн министр Жамалдаев Шаид. Турнире баьхкина бара дуккха а лараме хьеший, царна юкъахь шахматашкахула дуьненан экс-чемпионка а, дуьненаюкъарчу классан гроссмейстер Гаприндашвили Нона а яра. Къийсадаларшкахь дакъалецира 7 шарера 14 шаре кхаччалц йолчу бераша. Турниран коьрта совгIат-Гран-при Ростоверчу 12 шо долчу Есипенко Андрейна кхечира. Иза Европин чемпион ву. Финалехь толам баьккхинчу 6 бераца цхьаьний шахматех левзинчу Гаприндашвили Нонина тIехь а толам баьккхира Андрейс.
ТIейогIу V-гIа турнир 2015-чу шеран август баттахь Соьлжа-ГIалахь дIахьур ю.
Грозный-информ хаамийн агентство