Оханан (апрель) беттан 2–8-чуй деношкахь Хорватин Сплит гIалахь дIаяьхьира езачу атлетикехула Европин чемпионат. 31 пачхьалкхера 343 спортсмен вара цигахь дакъалоцуш. Оцу къийсадаларшкахь боккхачу кхиаме кхаьчна нохчийн спортсмен Малигов Адам.
Йозаллин барам 94 кг. йолчу категорехь дашо мидал яьккхира цо. Шина а кепехь (рывок а, толчок а) Адама айъинарг 388 кг. йозалла ю. Россин божарийн вовшахтоьхначу командо яьккхинарг ерриге а йиъ мидал ю, царах цхьаъ (Адама яьккхинарг) дашо а йолуш. Оцу боккхачу кхиамца хьуьнаре спортсмен декъалвира Нохчийн Республикин Куьйгалхочо Кадыров Рамзана.
Хь.АБАЕВ
№28, шинара, оханан (апрель) беттан 11-гIа де, 2017 шо