Оханан (апрель) беттан 22-чу дийнахь Соьлжа-ГIаларчу «Нохчийчоьнан дог» маьждигана хьалхарчу майданахь (А.-Хь.Кадыровн цIарах йолу майда) дIахьур ю туризман а, садаIаран а «Шашлык-Машлык» цIе йолу Дуьненаюкъара фестиваль.
Оцу дийнахь, фестивалан гурашкахь, лакхахь билгалъяьккхина йолу майда тайп-тайпанчу тематикин (гайтаман) 6 декъе йоькъур ю. Цигахь хьовсархошна лерина 20 сов мастер-класс дIахьур ю республикехь тоьлла лоручу кхачанхоша. Цуьнца цхьаьна фестиваль чекхъяллалц нохчийн эстрадин векалийн концертан программа а хир ю.
Фестиваль 11 сахьт даьлча дIа а йолалур ю, суьйранна 5 сахьт даьлча дIа а йоьрзур ю. Лахахь йовзуьйту фестивалан программа:
Кулинарин майда
Делкъехь республикехь кхиийначу а, кечдинчу а, диначу а сурсатийн ярмарка а, кулинарин декъехь мастер-классаш а дIахьур ю. Коьртачу декъана цIара тIехь кечбина жижиган кхачанаш хир бу.
11:00–17:00 – Республикехь тоьллачарех лоруш болчу кхачанхойн мастер-классаш.
12:30–17:00 – «Кулинарин къийсадаларш». ЖамIаш довзийтар. Толамхошна совгIаташ дар.
«Кулинарин къийсадаларш» – республикин хIора а гIаларчу а, кIоштарчу а, иштта, Россин тайп-тайпанчу субъекташкарчу а, кхечу мехкашкарчу а кхачанхойн тобанаш масех декъехь къовсаялар:
– «Банкетехь санна еттина йолу уггаре а дика шашлык» (говзанчийн конкурс);
– «Ламасталлин кепехь уггаре а дика йина шашлык» (хьовсархойн конкурс);
– «Хьовсархойн безаман совгIат».
ХIора а шарахьлера туризман «Визит Чечня» республикин гайтам
11:00–17:00 – Нохчийн Республикин гIаланашкахь а, кIошташкахь а туризман декъехь йолу таронаш йовзийтар.
12:00 – Даздарийн хьолехь фестивалан болх дIаболор.
11:00–17:00 – Республикехь дехачу халкъаша шайн культура йовзийтар. Концерт.
Стадион
12:00–14:30 – Спортан тайп-тайпанчу дакъошкахула йолчу Нохчийн Республикин вовшахтоьхначу командаша шайн хьуьнарш гайтар.
Берийн шахьар
11:00–17:00 – Кхачанийн чоме хьовсар. Аттракционийн парк. Берашна лерина конкурсаш дIаяхьар.
Суьртийн майда
Фестиваль чекхъяллалц болх беш хир ю суьртийн майда. Дакъалацархойн а, хьовсархойн а таро хир ю тайп-тайпанчу хьелашкахь суьрташ даха а, дахийта а.
№29, пIераска, оханан (апрель) беттан 14-гIа де, 2017 шо