Лараме Ахьмадан Рамзан!
Хьоме махкахой!
Нохчийн Республикин Парламентан депутатийн а, сайн а цIарах даггара декъалдо шу Нохчийн меттан денца.
Оцу дийно къаьсттина меттиг дIалоцу Нохчийн Республикин хиламийн рузманехь. Баккъал а бакъ долуш, халкъан са ду мотт. Тахана нохчийн матте а, иза кхиорехь, Iаморехь къахьоьгучаьрга а болу вайн ларам дIагойту вай.
Нохчийн Республикин хьалхарчу Президента, Россин Турпалхочо Кадыров Ахьмад-Хьаьжас хIоразза а билгалдоккхуш дара нохчийн маттахь долу хаарш карладохуш а, кхиош а вай хила дезаш хилар. Иза тешна вара нохчийн матте болу безам беран кхетамна жималлехь дуьйна чубилла безаш хиларх.
Тахана ненан мотт кхиоран а, баржоран а гIуллакх Нохчийн Республикин Куьйгалхочо, Россин Турпалхочо Кадыров Ахьмадан Рамзана шен тидамехь латтош ду. Цуьнгара даима а гIо-накъосталла хилар бахьана долуш, нохчийн маттахь арадуьйлуш ду газеташ, тептарш, книгаш, телеэфирашкахь передачаш.
Со тешна ву, кхидIа а ненан мотт Iалашбарехь, ларарехь, кхиорехь вай къахьоьгург хиларх.
Даггара лаьа Нохчийн Республикин бахархой могаш-маьрша бехийла а, Даймехкан дуьхьа къахьегарехь церан кхиамаш хуьлийла а!
Ларамца,
Нохчийн Республикин Парламентан Председатель
Даудов Хож-Ахьмадан Мохьмад
№32, шинара, оханан (апрель) беттан 25-гIа де, 2017 шо