СаIудийн Аравин бакъонашларъярхоша схьалаьцна терроризмехь дакъалацарна бехкевеш волу 88 стаг.
***
Эстонин президента Тоомас Хендрика дIахьедина ша Эстонехь НАТО-н керла тIеман базаш яхкийта лууш ву аьлла…
***
Малихь мини тIехь иккхина ООН-н маслаIатхойн ковра юккъехь хилла машен. Цу тIехь хиллачу бIаьхойх 4 стаг кхелхина.
***
США-н пилот воцчу кемано Сомалихь ракеташ тоьхна ялх боевик хIаллаквина.
***
Селхана Iуьйранна Эстони веана США-н Президент Барак Обама. Оцу махкахь ши де доккхур ду цо. Цул тIаьхьа дакъалоцур ду НАТО-н саммитехь.
***
ХIора дийнахь Африкерчу пачхьалкхашкара лаххара а цхьа эзар мигрант вогIу Итале. Уьш хьесапе эца, дIаязбан ца ларабо миграцин службин векалш.
***
Пакистанан парламентан депутаташа дийцаре дира махкахь кхолладелла карзахе хьал. Правительство отставке яхийтар лоьхучу оппозицин ницкъашца дийцарш дIахьош бу уьш.
***
Скотланд-Ярдан гIишло 4I0 миллион долларх йохка юкъаяьккхина. Делахь а иза оцу мехах эца лууш верг цкъачунна гучу ца ваьлла.
***
Украинерчу ополченин ницкъаша даккхий зенаш дина Iедалан эскаршна, шаьш дIалаьцна хиллачу меттигашкара уьш юха а бохуш.
***
Россина дуьхьал еш йолу санкцеш кхин а дикка алсамъяха лууш ю Евросоюз. Цу хьокъехь болу сацам 5-чу сентябрехь дIахьон йолчу кхеташонехь тIеэца тарлуш бу.
***
Россин Правительствон рогIерчу кхеташонехь мехкан премьер-министран Д.Медведевн дIадолорца кхоьллина промышленность кхиоран фонд.
***
Вайн мехкан финансийн министерствехь бечу хаамашца кху шеран август баттахь Россин тIаьхьалонан фонд 292 миллиард соьмана алсамъяьлла.