Поп бужуш ца даьлла тата, иза боьжначул тIаьхьа а дер дац.
***
Хьалхе гIаьттинчу Iуьнан жий шала бехкина.
***
ЦIа дагахь а, цIа тоьла, кха дагахь а, малх тоьла.
***
Аьлла дош – кIайн деши, алаза дерг – цIен деши.
***
Барт боцучу хIусаме ирс ца догIу.
***
Беркате доцу шо пхийтта батте даьлла.
***
ЛадогIа а хаа деза, дийца а хаа деза.
***
Лулахо лоручо ша-шен лору.
***
Лулахо хьалдолуш велахь хьан цициг а меца хир дац.
***
ДIалуш волчунна шиъ дукха хета, схьаоьцучунна кхоъ кIезиг хета.
***
Хьекъал кIезиг хилча, мотт беха хуьлу.
***
Аьхкенан цхьана дийно Iаьнан цхьа бутт кхаьбна.
ДIаяздинарг – С.ХАСАНОВ
№34, оршот, хIутосург (май) беттан 1-ра де, 2017 шо