Волавелча – болар девза, къамел дича – хьекъал девза.
***
Дайна сий юхаметтахIотталуш дац.
***
Дийца хаар – цхьа хьуьнар, ладогIа хаар – итт хьуьнар.
***
Багара далале дош кхузза карчо деза.
***
Аьхка мало йича, Iай бала хьоьгу.
***
БIаьстенан махо кхо дарба деана, гуьйренан махо кхо сиркхо еана.
***
Аьхка кетар кечъе, Iай – гIовтал.
***
Нах лелачу новкъа ваьлчий бен наха хIун леладо хуур дац.
***
Шен гIалатна къера ца хуьлучо, кхин а гIалаташ дуьйлуьйту.
***
Iу воцу бажа дуьне ма-дду баьржа.
Гулдинарг – С.ХАСАНОВ
№45, пIераска, асаран (июнь) беттан 9-гIа де, 2017 шо