Нохчийн Республикин Куьйгалхочун асаран (июнь) беттан 4-чу дийнахьлерчу Указаца нийса а догIуш, «Нохчийн Республикин Iилманийн хьакъволу гIуллакххо» сийлахьчу цIарца билгалваьккхина Нохчийн Республикин Iилманийн академин а, Россин Iилманийн академин Хь.Ибрагимовн цIарахчу Iилманийн-талламан комплексан институтан а 6 белхахо. Царна юкъахь ю.
УМХАЕВ САЙПУДИН ЗАРГАН – Россин Iилманийн академин Хь.Ибрагимовн цIарахчу Iилманийн-талламан комплексан институтан Синтезан а, керла материалаш талларан а секторан куьйгалхо;
ДЖАМИРЗАЕВ МИРЗАКЪАН САЛМАН – Россин Iилманийн академин Хь.Ибрагимовн цIарахчу Iилманийн-талламан комплексан институтан Этнологин а, археологин а лабораторин куьйгалхо;
АКАЕВ ХЬУМИДАН ВАХӀИТ – Россин Iилманийн академин Хь.Ибрагимовн цIарахчу Iилманийн-талламан комплексан институтан Ӏилманан коьрта белхахо;
ОСМАЕВ ДОГИН ӀАББАЗ – Россин Iилманийн академин Хь.Ибрагимовн цIарахчу Iилманийн-талламан комплексан институтан директоран Iилманийн гIуллакхашкахула волу заместитель;
ХАСБУЛАТОВ ӀИМРАНАН ЗУЛАЙ – Россин Iилманийн академин Хь.Ибрагимовн цIарахчу Iилманийн-талламан комплексан институтан Этнологин а, археологин а лабораторин Iилманан коьрта белхахо;
АБУМУСЛИМОВ ӀАБДУЛХЬАМИДАН ӀАБДУЛ – Нохчийн Республикин Iилманийн академин Президиуман Iилманан коьрта секретарь.
«Даймохк» газетан редакцин коллективо, Нохчийчоьнан берриге а Iилманчийн а, интеллигенцин а цIарах, боккха кхаъ хиларца, оцу сийлаллин цIарца даггара декъалбо лакхахь цIерш яьхна Iилманчаш.
№51, шинара, мангалан (июль) беттан 4-гIа де, 2017 шо