Дукха хан йоцуш Краснодаран крайрчу Адлер гIалахь дIаяьхьира 2005–2007-чуй шерашкарчу кхиазхошлахь паргIатчу кепара охьатохархлатарехула «Олимпийские надежды» Ерригроссин VIII-гIа турнир.
Турнирехь дакъалоцуш бара Абхазера, Кхарачойн-Чергазийчуьра, ГIалмакхойчуьра, Дагестанера, Нохчийн Республикера, иштта Россин кхечу субъекташкара спортсменаш.
Вайн республикин цIарах турнирехь дакъалоцуш бара РДЮСШ-ра спортсменаш. Къийсадаларш кхаа дийнахь дIадаьхьира.
Цигахь кхоалгIа меттиг яьккхира вайн махкахочо Дудаев Iелас.
З.ШИШХАНОВА
№56, пIераска, мангалан (июль) беттан 21-гIа де, 2017 шо