ГIебартойн-Балкхаройчуьрчу Нальчик гIалахь дIаяьхьира паргIатчу кепара охьатохархлатарехула кегийрхошлахь М.Б.Кудуховна лерина йолу Ерригроссин турнир.
Цигахь дакъалоцуш бара Россин тайп-тайпанчу субъекташкара къона спортсменаш.
Вайн республикера турнирехь дакъалоцуш вара 6 спортсмен. Къийсадаларш дIадаьхьира кхаа дийнахь.
Шайн-шайн йозаллин категорешкахь совгIатан ши меттиг яьккхира вайн спортсменаша: Минкаилов Мохьмада (55 кг.) – шолгIа меттиг, Сайдулаев Муслима (66 кг.) – кхоалгIа меттиг.
Атта дацара Ерригроссин турнирехь иштта кхиамаш баха, амма и дерриге а дозуш ду жимачохь дуьйна уьш Iамийначу церан тренерех. Уьш бу: У.Сулейманов, М.Дудаев, А.Дудулаев, А.Магомадов.
Карарчу хенахь уьш кечам беш бу СКФО-на чемпионате. Лаьа, вайн спортсменийн лаккхара кхиамаш хуьлийла, хIунда аьлча оцу кхиамашка кхача уьш хьакъ долуш бу.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№82, пIераска, эсаран (октябрь) беттан 20-гIа де, 2017 шо