Ерригроссин юкъараллин «Россин юристийн ассоциацин» (кхидIа – Ассоциаци) Президиуман сацамца нийса а догIуш, 2017-чу шеран гIуран (декабрь) беттан 9-чу дийнахь 10 сахьт 00 минот яьлча, Россин ерриге а субъекташкахь дIахьур ю Ерригроссин юридически I-ра диктант. Диктант дIаяхьаран гIуллакх вовшахтохарехь дакъалаьцна Москван пачхьалкхан О.Е.Кутафинан цIарахчу юридически университето (кхидIа – Университет).
Бахархойн бакъонашца доьзначу хаарийн тIегIа довзаран Iалашонца дIахьош ю диктант.
Цигахь дакъалаца йиш ю Россин 14 шарера ваьллачу муьлххачу а вахархочун. Дакъалаца лаам болчу вахархочо Россин юристийн ассоциацин ша вехачу субъектехь йолчу отделене дIахьедар дан деза. Меттигерчу отделенин адрес Ассоциацин http://alrf.ru а, Университетан http://msal.ru а сайташ тIехь довзийтина ду.
Диктантан дакъалацархошна Россин Федерацин Конститутица а, юридически терминологица а доьзна 30 хаттар кхочур ду. Хаттарш а, жоьпаш а оьрсийн маттахь хила дезаш ду. Хаттаршна жоп дала луш 60 минот ю.
Диктантан чаккхенехь, цуьнан гурашкахь дакъа мел лаьцначарна сертификаташ лур ду.
Диктантан жамIаш меттигерчу шуьйрачу хаамийн гIирсашкахула довзуьйтур ду.