Эсаран (октябрь) беттан тIаьхьарчу деношкахь Нефтеюганск гIалахь дIаяьхьира Россин охьатохархлатаран спортан федерацин вице-президентан Семенов Владимиран цIарах йолу охьатохархлатархойн дуьненаюкъара турнир. Цигахь дакъалоцуш вара 12 пачхьалкхера 98 спортсмен.
Йозаллин барам (70 кг.) йолчу категорехь оцу турнирехь дашо мидал яьккхира нохчийн охьатохархлатархочо Касумов Исраила. Финалехь цо эшийра Россин 2016-чу шеран чемпионатан толамхо Сидаков Заурбек.
Кхул хьалха а тайп-тайпанчу дуьненаюкъарчу турнирийн толамхо хилла а, Европин а, Россин а чемпионаташкахь совгIатан меттигаш яьхна а ву И.Касумов.
№88, пIераска, лахьанан (ноябрь) беттан 10-гIа де, 2017 шо