Нохчийн Республикин къоман политикин, арахьарчу зIенийн, зорбанан, хаамийн (кхидIа министерство) министерствос хаам бо «2014–2018-чуй шерашкахь региональни политика а, федеративни юкъаметтигаш а кхиор» Нохчийн Республикин пачхьалкхан программа, «2014–2016-чуй шерашкахь Нохчийн Республикехь къоман кхиар а, къаьмнаша цхьаьнагIуллакхашдар а» регионан подпрограмма кхочушъяран гурашкахь субсидеш даларна граждански цхьаалла чIагIъяран а, къаьмнийн юкъаметтигаш аьхна яран а, къаьмнийн культураш кхиоран а дакъошкахь долчу юкъараллин дIадолорийн гранташца гIолацаран конкурс коммерчески йоцчу организацешна юкъахь дIахьош хиларан хьокъехь.
Конкурсехь дакъалаца таро хир ю Нохчийн Республикехь къаьмнийн юкъаметтигийн декъехь болх беш йолчу, шайн расчетни счет йолчу, юридически яххьийн Цхьааллин пачхьалкхан реестрехь регистраци йина йолчу коммерчески йоцчу организацийн.
Конкурсан комиссис заявкин мах хадабо хIокху билгалонашца:
– проектийн мехалла а, маьIна а;
– проектан юкъарчу стратегица шех пайдаоьцу методикаш а, социальни технологеш а йогIуш хилар;
– цуьнан декхаршна а, Iалашонашна а проект жоп луш хилар;
– харжийн эвсаралла, адамаш юкъаозоран барам;
– коьртачу некъашкахула проект чекхъяьллачул тIаьхьа а гIуллакхдан таро хилар.
Конкурс дIаяхьаран хан – 2014-чу шеран хьалхарчу ноябрера 20-гIа декабрь кхаччалц.
Конкурсехь дакъалацарна оьшу заявкаш министерствехь дIаоьцу 2014-чу шеран 1-чу ноябрера 15-гIа ноябрь кхаччалц (Дудаевн бульвар, Радион цIа), белхан деношкахь 9 сахьт даьлча 17 сахьт даллалц. Конкурс дIаяхьаран къепе йовза таро хир ю министерствон сайтан Пресс-Центр–Мероприятия декъехь. Телефон: 22-20-06.