Нохчийн Республикехула йолчу Россин МЧС-н коьртачу урхаллина «Урал» АЦ-5, 5–40 машенан автоцистерна яийтина. ЦIе яьллачу метте иза дIаяйъарна оьшуш болу гIирсаш тIебахьа аьтто болуш ю иза. Тайп-тайпанчу бохамех кIелхьардахарна (некъан бохамаш, цIе ялар, и.дI.кх.) лерина ю иза.
Цунна чу пхи тонна ах тонна хи хоьу, цхьана секундехь 40 литр хи тоха нуьцкъалла йолуш ю иза.
– Нохчийн Республикин цIеяйъаран парк керлачу кхузаманан машенашца тIеюзуш ю. Адамаш кIелхьардахарна а, цIеяйъарна а доккха гIо-накъосталла хуьлу цунах, – бохура Нохчийн Республикехула йолчу Россин МЧС-н Коьртачу урхаллин хьаькама Яхъяев Руслана.
2017-чу шеран юьххьехь регионан чрезвычайни ведомствона ялх автоцистерна а, шиъ бохаман-кIелхьардахаран машен а яийтина.
Таханлерчу дийнахь тIаьххьара яийтина йолчу машенан кехаташца долу гIуллакхаш чекхдохуш ду тхо, цул тIаьхьа балха ара а йоккхур ю.
Билгалдаккха деза, кхузаманан лехамашна жоп луш йолу техника оьцу федеральни бюджетан чоьтах. 2030-гIа шо кхаччалц Россин МЧС кхидIа кхиаран стратеги кхочушъян таро хуьлуьйту цо.
Пайдаэцна Россин МЧС-н хаамех
Л.ДАУТОВА
№91, шинара, лахьанан (ноябрь) беттан 21-гIа де, 2017 шо