ГIулара юьртахь хIокху деношкахь дIаяьхьира греко-римски кепара охьатохархлатарехула Республикин схьайиллина турнир. Иза лерина яра Нохчийн Республикин хьакъволчу тренерна А.Эскерхановна.
Къийсадаларш дIадаьхьира шина дийнахь. Кхузахь дакъалоцуш вара РДЮСШ-ра 20 спортсмен.
Финалехь шайн-шайн йозаллин категорешкахь хьалхара меттигаш ехира Эскерханов Iусмана (35 кг.), Манаев Мохьмада (57 кг.), Бикаев Сулима (60 кг.).
Оцу турнирехь толам а, совгIатан меттигаш а яьхначу спортсменаша дакъалоцур ду, кестта дIахьон йолчу СКФО-н турнирехь. Турнир дIахьош доккха дакъалецира РДЮСШ-н директора Гусигов Аптис.
Толамхой билгалбехира мидалшца, кубкашца, Сийлаллин грамоташца.
З.ШИШХАНОВА
№97, шинара, гIуран (декабрь) беттан 12-гIа де, 2017 шо