Керлачу шеран хьалхарчу деношкахь хаза совгIат хилла Гуьмсе гIаларчу дешархошна – даздаран хьолехь кхузахь схьайиллина керла ши школа. Цо таро лур ю кхоалгIачу сменехь доьшуш болчу дешархойн барам дикка лахбан.
ХIокху гIалахь 2 979 бер дара кхоалгIачу сменехь доьшуш. Керла схьайиллинчу хIора школехь 720 дешаран меттиг ю, иштта, вайн заманан лехамашца догIуш, дешар а, кхетош-кхиор а вовшахтохарна оьшу дерриге хьелаш а ду.
2013–2020-чуй шерашна лерина йолчу Россин Федерацин «Дешар кхиор» пачхьалкхан программин «Школазхойн а, юкъара а, берийн кхин тIе долу дешар а кхиор» подпрограммин гурашкахь схьайиллина керла школаш.
Оцу хиламна леринчу даздаршкахь дакъалецира Нохчийн Республикин Парламентан Председателан заместитела Закриев Асхьаба, Нохчийн Республикин дешаран а, Iилманан а министра Байханов ИсмаьIала, гIалин администрацин куьйгалхоша, дайнаноша.
Хь.АБАЕВ
№4, пIераска, кхолламан (январь) беттан 19-гIа де, 2018 шо