Карарчу шеран чиллин (февраль) беттан 2-чу дийнахь Иммануил Кантан цIарахчу Балтин федеральни университетехь (Калининград гIала) йолчу диссертацийн кхеташонехь географин Iилманийн докторан диссертаци чIагIйина вайн махкахочо Забураева Хьавас.
Диссертацин тема ю: «Россин лаьмнийн регионашкахь Iаламах пайдаэцар эвсара хилийтаран геоэкологин баххаш (Къилбаседа-малхбален Кавказан масална тIехь»).
Iилманан консультант ву геолого-минералогически Iилманийн доктор, профессор Е.В.Краснов.
Республикин Iилманан дахарехь маьIне хилам бу иза, «Геоэкологи» говзаллехула Iилманийн докторан диссертаци чIагIйинарг Х.Забураева дуьххьара хилар тидаме эцча-м муххале а.
Диссертаци чIагIъярехь дакъалецира оцу деношкахь гIуллакхан визитца Иммануил Кантан цIарахчу университетехь хиллачу Нохчийн Республикин Iилманийн академин вице-президента, физикин-математикин Iилманийн доктора, профессора Керимов ИбрахIима. Оцу кхиамца къона Iилманча дуьххьара декъалйинарг а иза вара.
Газетдешархойн цIарах Iилманийн докторан диссертаци чIагIъярца оха а даггара декъалйо Забураева Хьава.
Дала тIаьхье беркате йойла!
Хь.АБАЕВ
№12, пIераска, чиллин (февраль) беттан 16-гIа де, 2018 шо