Дукха хан йоцуш Владимир гIалахь дIаяьхьира греко-римски кепара охьатохархлатарехула къорачу спортсменашна юкъахь хьалхеяккхаран Россин чемпионат. Цигахь дакъалоцуш бара Россин 20 гIалара спортхой.
Къийсадаларш кхаа дийнахь дIадаьхьира. Вайн республикера цигахь дакъалоцуш РДЮСШ-ра 3 спортсмен вара. Шен йозаллин категори 72 кг. а йолчу, спортхошна юкъахь шолгIа меттигехь яьккхира РДЮСШ-рчу Таипов ИбрахIима.
Оцу чемпионатехь толамаш баьхначу спортсменаша дакъалоцур ду хIокху шеран хIутосург (май) баттахь хинйолчу Дуьненан чемпионатехь.
Толамхой билгалбехира кубкашца, мидалшца, Сийлаллин грамоташ.
З.ШИШХАНОВА
№20, пIераска, бекарг (март) беттан 16-гIа де, 2018 шо