Наркотикаш схьаяьхна
ХIокху деношкахь оперативни-профилактикин мероприятеш дIахьочу хенахь полицин белхахоша Соьлжа-ГIалахь а, Шелан а, Гуьмсан а кIошташкахь а ялх меттехь гучудаьккхина законехь доцуш наркотикаш лелор.
Полицин белхахоша кара а йина схьаяьккхина 110 грамм хиллал ораматех схьаялар долу, кIомалан шатайпа хьожа йолу наркотик.
Схьаяьккхина наркотик таллам бан дIаяхьийтина Нохчийн Республикин чоьхьарчу гIуллакхийн министерствон Экспертийн-криминалистикин туьше.
Шайгара наркотикаш схьаяьхначу гражданаша динчу зуламан Россин Федерацин Уголовни кодексан 228-чу статьяхь билгалдинчу зуламан билгалонаш ю («Законехь доцуш наркотикаш а, корта бахош йолу хIуманаш, царах терра йолу кхин хIуманаш а, йохк-эцар, лелор, дIасаяхьар а, яр а, кечъяр а»).
ДIахьош таллам бу.
Некъан хьовзамаш
Соьлжа-ГIалин Старопромысловски кIоштахь некъан-транспортан бохам хилла.
Соьлжа-ГIалин Трошевн урамехула Назарбаевн (Маяковскийн) урам болчу агIор вогIуш хиллачу 1987-чу шарахь вина волчу ВАЗ-2110 автомашенан водитела, автомобилана урхалла дарца лара цавар бахьанехь, электросерло бIогIамна тIетоьхна шен автомашен.
Некъан-транспортан бохамехь лазийна, 2 пассажир Соьлжа-ГIаларчу Сихачу медицинин гIоьнан республикин клиникин больницин реанимацин а, нейрохирургин а отделенешка вигна.
Некъан-транспортан бохаман хьокъехь дIахьош таллам бу.
Нохчийн Республикин чоьхьарчу гIуллакхийн министерствон пресс-службин гIоьнца хаамаш кечбинарг – I.МУРТАЗОВ
№23, шинара, бекарг (март) беттан 27-гIа де, 2018 шо