ЛерхIаме воша, Бувайсар!
ГIалгIай къаман газет «Сердало» редакцегара а сайгара а къоабал дувц аз нохчий газет «Даймохк» цун 95 шу дизарца!
Ше хьакхеллача хана денца хьадоагIа из нохчий къаман керттера зарбан оаз йолаш, нохчий цхьоагIо чIоагIъеш, нохчий мотт лорабеш, боаржабеш!
Цун оагIошка массе хана хиннад къаман исторенца, къаман таханенца, къаман кхоаненца дувзаденна уйла-нигат. Цунца лаьца ба цун лерхIам!
Дукха ца эшаш бIаь шу доал «Даймохка». Дала кхы а бIаь шера доахадолда «Даймохк» яха газет, Нохчий Даймохк денгар-денга чIоагIлуш, хоза а луш, газетий из дIакхайкаде аьттув а болаш!
Шоашка кхаьча хьалхарча журналисташа, йоазонхоша йита тIехьале дIахо яхьа, чIоагIъе, кIоаргъе низ лулба шоана Дала! Беркате вахар-лерар хилда шун!
ЛерхIамца ПАТИЕВ Якъуп, гIалгIай газета «Сердало» керттера редактор
№31, шинара, оханан (апрель) беттан 24-гIа де, 2018 шо