Башкартостанерчу Октябрьское гIалахь дIаяьхьира кегийрхошна юкъахь греко-римски кепара охьатохархлатарехула Россехь хьалхеяккхаран турнир. Цигахь дакъалоцуш вара Россин регионашкара 400 сов спортсмен.
Вайн республикера тунирехь дакъалоцуш вара РДЮСШ-ра 5 спортсмен. Къийсадаларш кхаа дийнахь дIадаьхьира.
Финалехь шайн-шайн йозаллин категорешкахь, толамхой а хуьлуш, хьалхара меттиг яьккхира Нохчийчуьрчу Сулейманов Шамила (57 кг.), Битимирзаев Денислама (65 кг.).
ШолгIачу меттехь вара Хамзатов Мовсар (79 кг.).
КхоалгIа меттиг яьккхира: Хамзатов МасIуда (74 кг.).
Оцу кхиамашка вайн спортсменаш кхачийнарш бу уьш Iамийна церан тренерш: Х.Эскерханов, А.Магомадов, А.Гусигов, М.Таипов.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№37, пIераска, хIутосург (май) беттан 18-гIа де, 2018 шо