Россин субъекташна юкъахь наркоманина дуьхьал къийсам дIабахьаран рейтингехь пхоьалгIачу меттехь ю Нохчийн Республика.
2018-чу шарахь «Кхетаме Росси» («Ехна йоцу Росси») федеральни проектан гурашкахь дIабаьхьначу аналитикин талламан жамIашца ю Нохчийчоь пхоьалгIачу меттехь.
«Кхетаме Росси – наркотикашна дуьхьал» аьллачу докладехь шуьйра довзийтина ду оцу рейтинган жамIаш.
Россин субъекташна юкъахь наркоманина дуьхьал къийсам латторан рейтингехь хьалхарчу меттехь ю Архангельскан область, шолгIа – Чукоткин автономин округ, кхоалгIачу меттехь ю Волгоградан область.
Оцу талламан жамIашца уггаре а ледара хьал ду Приморьен крайхь, иза рейтинган тIаьххьарчу 85-чу меттехь ю.
«Наркотикашна дуьхьал къийсам дIабахьаран рейтинг – 2018» аьллачу проектан башхалла ю тайп-тайпанчу ведомствийн статистикин хаамаш цхьанатухуш хилар.
И проект бахьана долуш, таро ю Россин ерриге а субъекташа наркоманина дуьхьал къийсам дIабахьарехь дIахьочу гIуллакхашна тIехь терго латто.
Хь.АЛИЕВА
№42, шинара, асаран (июнь) беттан 5-гIа де, 2018 шо