Мавлид дийшира Радион цIийнехь
РаббиIул-Аввал беттан сийнна а, карарчу шеран 4-чу декабрехь Соьлжа-ГIалахь зуламхойн карах кхелхинчарна Нохчийчохь барт, машар хилийтарна тIера а мовлид дийшира кху деношкахь Соьлжа-ГIаларчу Радион цIийнехь.
Иза вовшахтоьхнера Нохчийн Республикин къоман политикин, арахьарчу зIенийн, зорбанан, хаамийн министерствос.
Мавлид деша кхайкхинера Кишиев Кунта-Хьаьжин цIарах йолчу Россин исламан университетера мутаIеламаш. Иштта цигахь дакъалоцуш вара лакхахь билгалъяьккхинчу ведомствон министр Жамалдаев Шаид, оццу ведомствон белхахой, тайп-тайпанчу изданийн куьйгалхой, кхиберш.
– Мухьаммад Пайхамар (Делера салам-маршалла хуьлда цунна) хестош РаббиIул-Аввал беттан сий деш, мовлад дешна, кхелхинчу вешан берриге а йижаршна, вежаршна, дукха хан йоццуш кхелхинчу полицин белхахошна Деле гечдар а, Нохчийчохь, иштта берриге бусалба нахана машар, барт хилийтар Деле доьхуш до1анаш дира мовладе баьхкинчара, – бохура Ш.Жамалдаевс.
Билгалдаккха догIу, Делан Элча Мухьаммад (Делера салам-маршалла хуьлда цунна) дуьнен чу ваьлла болу РаббиIул-Аввал бутт дерриге а дуьненарчу бусалба наха къаьсттина лоруш хилар.
М.РУСЛАНОВ
Авторан сурт