Каспийск гIалахь (Дагестан) дIаяьхьира Асиятов Саракатана лерина йолу греко-римски кепара охьатохархлатарехула кхиазхойн Дуьненаюкъара турнир.
Цигахь дакъалоцуш вара Россера а, кхечу 7 пачхьалкхера а – Азербайджанера, Гуьржийчуьра, Эрмалойчуьра, Казахстанера, Узбекисанера, Таджикистанера, Беларусера – 150 спортсмен.
Къийсадаларш кхаа дийнахь дIадаьхьира.
Вайн республикера цигахь дакъалоцуш бара РДЮСШ-ра спортсменаш.
72 кг. йозаллин категорехь, вайн республикин векала Магомадов Турпала кхоалгIа меттиг яьккхира.
Кестта Москва гIалахь хинйолчу турнирана кечамбеш ву спортсмен.
З.ШИШХАНОВА
№45, пIераска, асаран (июнь) беттан 15-гIа де, 2018 шо