Гуьмсан кIоштарчу Джалкхехь дIаяьхьира 2004–2006-чуй шерашкарчу кегийрхошлахь паргIатчу кепара охьатохархлатарехула республикин турнир.
Цигахь дакъалоцуш вара РДЮСШ-кара 20 спортсмен. Къийсадаларш шина дийнахь дIадаьхьира. Финалехь шайн-шайн йозаллин категорешкахь толамхой хилира: Амаев Абу-Муслим (60 кг.), Яхъяев Маьхьди (67 кг.), Халадов Сайхан (42 кг.).
Оцу кхиамашка спортсменаш кхачийнарш бу РДЮСШ-н тренерш: А.Макаев, Х.Эскерханов, А.Магомадов.
СКФО-н кестта хинйолчу кхиазхойн чемпионате кечам беш бу толамхой карарчу хенахь.
Лаьа вайн махкахой оцу къийсадаларшкара лаккхарчу кхиамашца цIабоьрзийла.
З.ШИШХАНОВА
№68, шинара, товбецан (сентябрь) беттан 11-гIа де, 2018 шо