Нохчийн Республикин культурин министерствоc «Единая Россия» партин «Историн иэс» проектан гурашкахь, республикин юккъерчу дешаран учрежденешна юкъахь дIахьош ю «Школин мохкбовзаран тоьлла музей – 2018» конкурс.
Конкурсан белхаш толлур бу Устрада-ГIалин историнархитектурин а, Iаламан музейн-заповедникан а директора Джабраилов Сайд-Эмис а, цуьнан заместитела Хаджиев Рамзана а, Культурин министерствон искусствон а, дешаран а хьаьрмийн отделан хьаькама Ташаева Розас а, Нохчийн Республикин Къоман музейн директоран заместитела Эльбуздукаева Тамарас а.
– Конкурс дIакхайкхийчхьана юккъерчу дешаран кхаа школин музейн белхашна таллам бина оха. Иштта оха теллина берийнкхиазхойн туризман а, экскурсан а цIийнан а, литературинмемориалан музейн а белхаш. Конкурсехь дакъалоцуш йолчу школийн музейшкахь археологин а, историн а, культурин а, Iаламан а тIаьхьалонаш хила еза. Конкурсан жамIашца билгалйоккхур ю совгIатан кхо меттиг а, шиъ лауреат а. Региональни конкурс чекхъяьллачул тIаьхьа, лауреаташа Ерригроссин «Историн иэс» проектехь дакъалоцур ду, – дийцира Культурин министерствон вовшахтохараллин белхан а, кадрови политикин а департаментан директоран заместитела Селимов Адама.
Иштта, А.Селимовс билгалдаьккхира школийн тоьлла музейш къасторан конкурс дIаяхьаран коьрта Iалашо, дешархошкахь патриотизм кхиор а, культурин тIаьхьалонаш ларъян а, шайн мохк бовза, беза Iамор а хилар.
Конкурсан белхаш схьаоьцур бу эсаран (октябрь) беттан 26-гIа де тIекхаччалц.
М.ГЕРЗЕЛИЕВА
№73, пIераска, товбецан (сентябрь) беттан 28-гIа де, 2018 шо