Дукха хан йоццуш Владимир гIалахь дIаяьхьира 1999–2001-чуй шерашкарчу кегийрхошлахь хьалхеяккхаран «Владимирская осень» цIе йолу греко-римски кепара охьатохархлатарехула Ерригроссин турнир. Иза лерина яра спортан мастерна А.Никифировна.
Турнирехь дакъалоцуш бара Россин ерриге а регионашкара къона спортсменаш. Вайн республикера цигахь дакъалоцуш 7 спортсмен вара. Къийсадаларш деа дийнахь дIадаьхьира.
Финалехь, шайн-шайн йозаллин категорешкахь, билгалбевлира вайн махкахой: Т.Исаев (63 кг.) – ШВСМ, М-А.Касумов (72 кг.) – ДЮСШ №3, С-С.Бибулатов (82 кг.) – РДЮСШ, Х.Исаев (77 кг.) – РДЮСШ.
Оцу кхиамашка вайн спортсменаш кхачийнарш бу, уьш Iамийна церан тренерш: Р.Абиев, С.Исаев, А.Магомадов, Ш.Вараев.
Виъе а спортсмен Россин вовшахтоьхначу командина юкъавахана.
Кестта хиндолчу дуьненаюкъарчу къийсадаларшна кечам беш бу уьш.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№87, шинара, лахьанан (ноябрь) беттан 20-гIа де, 2018 шо