Гриппана дуьхьало. Иштта яра хIокху деношкахь Нохчийн Республикехь дIадаьхьначу дикачу гIуллакхан цIе.
Иза вовшахтоьхнера Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин цIарахчу Региональни юкъараллин фондо а, Нохчийн Республикин могашаллаIалашъяран министерствос а, Нохчийн региональни отделенин «Волонтеры-медики» Ерригроссин юкъараллин боламан гIоьнца.
«Гриппана – дуьхьало» цIе йолчу дикачу гIуллакхехь дакъалоцуш Нохчийн Республикин кегийрхойн гIуллакхашкахула йолу министерство яра.
Кегийрхоша шаьш каде хиларе терра, мало ца еш, гриппана дуьхьало е аьлла, Нохчийн Республикин бахархошна молханийн 500 «ботт» дIасайийкъира. Иштта, кегийрхоша республикин бахархой шайн могашаллаIалашъяре а, дешарх, спортах, пайда оьцуш, беркате яккхарехьа а кхайкхира.
З.САГАЕВА
Суьрта тIехь: дика гIуллакх
№87, шинара, лахьанан (ноябрь) беттан 20-гIа де, 2018 шо