Соьлжа-ГIалин №11 йолчу юккъерчу школехь дIаяьхьира кегийрхошлахь греко-римски кепара охьатохархлатарехула хьалхеяккхаран схьайиллина турнир.
Къийсадаларш шина дийнахь дIадаьхьира.
Турнирехь дакъалоцуш бара РДЮСШ-н спортсменаш.
Оцу къийсадаларшкахь Цикарашвили Анвара (46 кг.) хьалхара меттиг яьккхира, Абдукаримов Iийсас (38 кг.) шолгIа а, Абдукаримов Мохьмада (26 кг.) кхоалгIа а меттигаш ехира.
Оцу кхиамашка спортсменаш кхачийнарш бу церан тренерш: А.Сулейманов, М.Таипов. А.Гусигов, А.Магомадов.
Цундела, спортсменаша даггара баркалла боху царна.
ХIинца, Георгиевск (Ставрополан мохк) гIалахь кеста хинйолчу дуьненаюккъарчу турнирана кечамаш бан буьйлабелла совгIатан меттигаш яьхнарш.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№4, кхолламан (январь) беттан 18 де, 2019 шо