Россин Федерацин Правительствос вайн пачхьалкхан регионийн тайп-тайпанчу категорин бахархошна оьшуш долу молханашна а, дарбанан гIирсашна а 31 миллиард сом ахча къастийна.
Оцу ахчанах 158 миллион сом Нохчийн Республикина кхочур ду. Цуьнца доьзна Россин Федерацин Премьер-министра Медведев Дмитрийс тIедиллар дина. Россин министрийн кабинетан сайта тIехь зорбане а даьккхина и документ.
Оцу документа тIехь 2019-чу шарахь федеральни бюджетера Россин Федерацин субъектийн бюджеташна а, ткъа иштта, Байконур гIалин бюджетана а субвенцеш йина, оьшуш долу молханаш а, дарбанан гIирсаш а оьшуш болчу бахархойн хьашташ кхочушдархьама.
Рецептаца луш долу молханаш а, заьIап берашна оьшуш долу молха-маха эца аьтто а беш.
З.ХИЗИРОВА
№4, кхолламан (январь) беттан 18 де, 2019 шо