Балхахь вай хан цIахьйоккхучул дукха нисло. Нийса аьлча, вайн дахаран доккха дакъа балхахь дIадолуш ду.
Зорбанан цIийнехь «Gazzeta» олуш кафе ю. ДуьххьалдIа оцу кафен куц ду товш, цкъа-делахь кхузаманан хьежамашца догIуш, шолгIа-делахь Зорбанан цIийнехь къахьоьгучу йозанан, кхоллараллин нахана товчу агIор хаза дизайн йина. Дуьненахь гIарадевлла девзачу газетийн кийсагех кечдина ду кафен пенаш, ткъа чуьра инстоляцеш «ретро» жанрехь вовшахтоьхна ю. Хьалх-хьалха заманахь кхоллараллин наха шайн балхаца лелийначу хIуманехь гайтам бу кафен зала чохь вовшахтоьхна. Иза «жима-музей» ала хьакъ долуш ю. Масала, шира рояль, зорба туху машен, патифонан экъанаш, кIайн-Iаьржа сурт доккху советски фотоаппараташ, анимационни шира фильмаш.
Ткъа уггаре а коьртаниг кху кхерчан оьзда хIусамнана ю. ТIехьа-Мартан районерчу ВаларгтIера ю кафен заведующи Сагаипова Эльза. Иза евза сагIа даларна комаьрша, зуда санна. Хьанал яхар дезачу цо шен кафе чохь болх бан къастийна зударий а бу ша санна оьзда, гIиллакхе. Зорбанан цIийнехь болх мел бийриг вац кху Соьлжа-ГIалара. Тайп-тайпанчу ярташкара схьабогIучу нахана безам хета, генарчу лома кхаьчча санна, кафен белхахоша, поварша, официанташа хаза, оьзда буьйцу мотт хезча а, цара нохчийн гIиллакхца маршалла хаттар а. ХIума кхалла волавалале а церан гIиллакхо токх до дог.
«Gazzetin» белхахой х1орш бу, поварш: Азимова Малика, Бисултанова Фатима, Бечиева Таиса, Накостова Раиса, Хамзатова Роза, официанташ: Бечиева Эльза, Джанкоева Милана, Ахметханов Ислам, администратор Бакаев Адам.
Кафехь кест-кеста хуьлучу наха «Роза-зефир» аьлла цIе тиллина ю зефир санна сирла, хаза гIиллакх долуш, даима а елаелла хуьлу кассир Хамзатова Роза.
Дукха хан яц оцу коллективо цигахь болх болийна. Юург чомехь, мерза йо. Муьлхха а гIуллакх дIадоло хала ду. Лаьара шайн оьздангалле хьаьжжина «Gazzeta»кафен белхахойн ирс-аьтто хуьлийла. «Комаьршалло вахаво стаг, бIаьрмицагалло нахах воккху», – олуш хилла вайн.
Ийман, беркат лаьттийла шуна, шайн доьзалшкахь а, балха тIехь а.
З.ЭЛЬДЕРХАНОВА
З.САГАЕВАН СУРТ