Уггаре а хаза хIума я аьлча, къийго, тIе чо а балаза йолу, шен кIорни еана.
***
ГIалат (ант) доцу доттагI лехнарг доттагI воцуш висна.
***
Ахча доцчунна гIуй ца эшна, эхь доцчунна бехк ца эшна.
***
Бан луучунна болх карийна, ца луучунна бахьана карийна.
***
Барт боцу доьзал а, барт боцу юрт а хIаллакьхилла.
***
Болх бечунна де доца хета, малончина деха хета.
***
Ваханчо некъ эшийна, Iиллинчо де эшийна.
***
Виначу нанна ца хиллачу кIантах, махкана а кIант ца хилла.
***
ГIиллакх доцчу нахаца тасаделла гергарло, цхьа гIуллакх Iоттаделча, тай санна, хеда.
***
ГIуллакх дечун куьг мокъа дац, гIуллакх цадечун мотт мокъа бац.
***
Дешарх иддарг дешначунна ваьцна.
Т.ДЖАМБЕКОВА
№9, чиллин (февраль) беттан 5 де, 2019 шо