Бекарг (март) беттан 12-чу дийнахь Санкт-Петербургехь дIаяьхьира Россин могашаллаIалашъяран министерствон ВИЧ-инфекцина профилактика яран а, дарба даран а профильни комиссин кхеташо.
ДIадаханчу 2018-чу шарахь Россин Федерацехь СПИД-ца къийсам латторан а, профилактика яран а белхан жамIаш дира кхеташонехь.
Нохчийн Республикин могашаллаIалашъяран министерствон СПИД-ца къийсам латторан а, профилактика яран а республикин туьшан белхан лаккхара мах хадийна оцу кхеташонехь Россин могашаллаIалашъяран министерствон ВИЧ-инфекцина профилактика яран а, дарба даран а профильни комиссин куьйгалло.
СовгIат оцу туьшан коьртачу лоьре Муртазалиев Хьамзате дIаделла. Иштта хаам бо Нохчийн Республикин могашаллаIалашъяран министерствос социальни инстаграмехь йолчу шен агIонехь.
З.ХИЗИРОВА
Суьрта тIехь: Муртазалиев Хьамзате совгIат дIадалар
№21, бекарг (март) беттан 19 де, 2019 шо