Ламаст хилла дIахIоьттина хIора шеран хIутосург (май) беттан 24-чу дийнахь Славянийн йозанан а, культурин а де билгалдаккхар.
Нохчийн Республикин культурин министерствос йоккха программа кечйинера оцу даздаршна лерина.
Соьлжа-ГIалахь I.Шахбулатовн цIарахчу Нохчийн пачхьалкхан филармонина хьалхарчу майданахь йоккха концерт хилира.
Цигахь дакъалецира филармонин артисташа а, Россин Федерацин къоман гвардин иллин а, хелхаран а Жуковн орденан эскаран академин ансамбло а, республикин берийн хоро а.
I.Шахбулатовн цIарахчу нохчийн пачхьалкхан филармонин артисташа нахана дукхадезаделла иллеш элира, иштта, Россин къоман гвардин ансамблан солисташа а хазийтира советийн заманахь дуьйна нахана дезаделла, девзаш долу иллеш.
Билгалдаккха деза Славянийн йозанан а, культурин а де Россин Президентан Указаца 2010-чу шарахь дуьйна билгалдоккхуш хилар.
Кириллас а, Мефодийс а желтойн маттера славянийн матте яьккхина хилла динах лаьцна книгаш. Цаьршимма славянийн абат хIотторца кхоьллина ду славянийн йоза.
Оьрсийн йоза а, культура а кхиорехь доккха маьIна лелийна славянийн йозано.
Россин халкъашна вовшийн культураш йовзийтарехь доккха маьIна леладо славянийн культуро.
З.ХИЗИРОВА
№41, хIутосург (май) беттан 31 де, 2019 шо