Нохчийн Республикин къоман политикин, арахьарчу зIенийн, зорбанан, хаамийн министерствос а, «Даймохк» газетан редакцис а нохчийн мотт кхиоран а, баржоран а Iалашонца нохчийн маттахь тоьлла журналистски материал язъяран республикин конкурс дIакхайкхайо. Иза лерина ю Нохчийн меттан денна (25-гIа апрель).
Конкурсан Iалашо:
– Нохчийн халкъан ламасташ, син-оьздангаллин мехаллаш Iалашъярехь ненан меттан маьIна юкъараллина шуьйра довзийтар.
Конкурсан декхарш:
– Ненан мотт баржор а, марзбар а. Нохчийн маттахь болх бечу шуьйрачу хаамийн гIирсийн белхахойн гIолацар. Нохчийн юкъараллехь идеологин а, Iаморан а, культурин а декхарш кхочушдеш йолчу пачхьалкхан а, юкъараллин а учрежденешка долу ненан мотт марзбарехь дан дезачийн хьокъехь долу хьехарш, магораш шуьйра довзийтар.
Конкурсан хьелаш:
– Конкурсехь дакъалаца йиш ю 2015-чу шеран 1-чу январера 15-гIа апрель кхаччалц болчу муьрехь шайн материалаш Нохчийн Республикин зорбанан а, зорбатоьхна хиллачеран массеран а.
Материалийн мах хадор кху билгалонашца хир ду:
1.Корматаллин тIегIа (профессионализм).
2.Исбаьхьаллин хатI.
3.Ненан маттахь бартан а, йозанан а къамелан хьал.
Конкурсе белхаш дIаоьцу апрель беттан 1-чу дийнахь дуьйна 15-гIа де чекхдаллалц, кху адресца:
Соьлжа-ГIала, Маяковскийн урам, 92, Зорбанан цIа (4-гIа гIат), «Даймохк» газетан редакци.
Конкурсан толамхошна совгIаташ дар дIахьур ду Нохчийн меттан де даздарал хьалхарчу деношкахь.