Нохчийчуьра хьаьжой буьгуш СаӀудийн Араве дуьххьарлера кема хIокху беттан 23-чохь дӀадахана Соьлжа-ГIаларчу дуьненаюкъарчу «Грозный» аэропортера.
Хьалхарчу рейсаца Сийлахьчу махка дIавахана 175 хьаьжо. Церан массеран а хьаьждан аьтто бина Нохчийн Республикин хьалхарчу Президентан Кадыров Ахьмад-Хьаьжин цӀарахчу Регионан юкъараллин фондо.
Хьаьжой новкъабохуш вара Нохчийн Республикин Куьйгалхочун хьехамча, республикин муфти Межиев Салахь-Хьаьжа.
Республикин куьйга лло СаIудийн Аравица хьалхе бина барт бахьанехь хьаьждечарна кечдина тоьлла хьешацIенош а ду сийлахьчу меттигашна уллехь, кхидолу мел оьшу хьелаш а ду.
Нохчийн Республикин бусалбанийн динан урхаллин пресс-службо хаам ма-барра, кху шарахь Соьлжа-ГIалара СаIудийн Араве хьаьждан гIур ву 2 600 стаг.
А.ВАХАЕВА
№56, мангалан (июль) беттан 26 де, 2019 шо