2018–2020-чуй шерашкахь «Дешар кхиор» пачхьалкхан программин гурашкахь Нохчийн Республикин дешаран белхахойн говзалла лакхаяккхаран нохчийн институтехь оьрсийн меттан хьехархойн хаарш кIаргдаран Iалашонца дIахьош ю рогIера курсаш.
Ростовн, Краснодаран, Воронежан дешаран белхахойн говзалла лакхаяккхаран институташца бинчу бартаца дIахьош бу Нохчийн Республикин хьехархошца болу болх.
2019-чу шарахь кхочушъеш йолу программаш могашалла ледара йолчу берашца болх бечу оьрсийн меттан хьехархошна лерина ю.
ХIокху шарахь шайн говзалла лакхайоккхур ю оьрсийн меттан 480 хьехархочо. Царна лерина курсаш кхаа декъехь дIахьур ю хIокху хьаьттан (август) беттан 17-гIа де тIекхаччалц.
Нохчийн Республикин дешаран а, Iилманан а министра Байханов ИсмаьIала баркалла элира, хьехархойн хаарш кIаргдеш, дIахьош йолу курсаш вовшахтоьхначарна а, курсийн дакъалацархошна а, цаьрца болх бечу лекторшна а.
№60, хьаьттан (август) беттан 9 де, 2019 шо